Кулланучы әлифбасы: Зәркән сүзлеге белән танышу: проба, бирка, пломба.
Зәркән бизәнү әйберләре базарында алтыннан, платинадан, көмештән ясалган, шулай ук кыйммәтле һәм ярымкыйммәтле ташлар белән бизәлгән әйберләрнең зур күләме бар.
Универсаль бүләкләр рәтенә кергән бүләкләрнең берсе - зәркән бизәнү әйбере. Кадерле әйбер бүләк итеп, кемне дә булса шатландырырга мөмкин – яраткан әбине дә, бик яшь кызны да, җитди ир-атны да.
Зәркән бизәнү әйберләре базарында алтыннан, платинадан, көмештән ясалган, шулай ук кыйммәтле һәм ярымкыйммәтле ташлар белән бизәлгән әйберләрнең зур күләме бар. Зәркән кибетләре һәр адымда диярлек ачыла, кызганычка каршы, сыйфатсыз продукция сату очраклары да була.
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре кыйммәтле металллардан сыйфатлы бизәнү әйберләрен сайлаганда ярдәм итә алырлык берничә файдалы киңәш тәкъдим итә.
Беренче чиратта тикшерергә кирәкле нәрсә - зәркән әйберендә пробаның булуы. Бу, үзенә күрә, әйбернең ялган түгеллеген һәм чыннан да кыйммәтле металлдан ясалганлыгын гарантияли. Әйбернең паспорты булып җеп һәм пломба белән беркетелгән бирка хезмәт итә.
Алга таба тышкы карау: тышкы яктан зәркән әйбере тырналган, шомармаган, ярыклар һәм тегү эзләре булмаска тиеш. Ташлар нык беркетелгән, ә йозаклар эшли торган булырга тиеш. Әгәр бу этапта сезне барысы да канәгатьләндерсә, шулай ук бүләк сайлау белән 100% кибеттә карар кабул итәргә кирәклеген искә төшерәләр, чөнки сатып алучылар истә тотарга тиешле иң мөһим кагыйдәләрнең берсе — зәркән бизәнү әйберләре алмашуга һәм кире кайтаруга ятмый, чөнки ул кире кайтаруга яки башка зурлык, форма, үлчәм, фасон, төс яки комплектлаштырудагы шундый ук товарга алмашуга ятмый торган сыйфатлы азык-төлек булмаган товарлар исемлегенә керә, РФ Хөкүмәтенең 31.12.2020 ел, №2463 Карары белән расланган.
Искәрмә булып зәркән бизәнү әйберен интернет-кибеттә сатып алу тора. Бу очракта дистанцион юл белән сатып алынган товардан баш тарту хокукы РФның 07.02.1992 ел, №2300-1 «Кулланучылар хокукларын яклау турында» Законының 26.1 маддәсе 4 пункты белән билгеләнә: Кулланучы товар тапшырылганчы теләсә кайсы вакытта аннан баш тартырга хокуклы, ә товар тапшырылганнан соң җиде көн эчендә. Сыйфатлы товарны кире кайтару мөмкин, әгәр аның товар кыяфәте, куллану үзлекләре, шулай ук әлеге товарны сатып алу фактын һәм шартларын раслаучы документ сакланган булса. Товарны сатып алу фактын һәм шартларын раслаучы документы булмау кулланучыны әлеге сатучыдан товар сатып алуның башка дәлилләренә таянып мөмкинлегеннән мәхрүм итми.
Әгәр дә кимчелекле зәркән әйбере сатып алынган булса, сатып алучының хокуклары РФның 07.02.1992 ел, №2300-1 «Кулланучылар хокукларын яклау турында» Законының 18 маддәсе белән көйләнә. Бу очракта алданган сатып алучы кибеткә дәгъва белән мөрәҗәгать итәргә хокуклы, законлы таләпләрнең берсен куеп: товарны шундый ук, ләкин кимчелексез товарга алыштыру; башка товарга алыштыру (бәһа яңадан исәпләнү белән); сатып алу бәясен киметү; сатучы тарафыннан кимчелекне бетерү; акчаны тулысынча кайтару.
Белгечләр Сезгә сыйфатлы сатып алулар һәм тормышыгызда якты бәйрәм мизгелләре телиләр.
Сезнең хокукларыгызны һәм законлы мәнфәгатьләрегезне яклау белән бәйле барлык сораулар буенча, Сез ТР Дәүләт алкоголь инспекциясенең Яр Чаллы территориаль органына 71-43-03 телефоны буенча мөрәҗәгать итә аласыз.