Татарстанлылар балалар даруларына Россия Почтасы белән экономия ясый ала.
Республика почта бүлекләрендә хәзер бер яшьтән балага дару полисы рәсмиләштерергә мөмкин. "Өлкән" кебек үк, ул табиб билгеләгән препаратларга тотылган акчаның 90% кадәрен кайтарырга мөмкинлек бирә.
Балалар өчен дару полисын Татарстанның барлык почта бүлекләрендә сатып алырга мөмкин. Аның гамәлдә булу вакыты — өч айга кадәр. Компенсация алу өчен чеклар һәм табиб билгеләмәләренең фотоларын махсус чат-бот аша җибәрү җитә. Сорауны эшкәртү бер көннән артык вакыт алмый, компенсация банк картасына килә. Традиционрак вариант — документларны хат белән җибәрү. Теләсә кайсы полис рәсмиләштерелгәннән соң алтынчы көндә үк гамәлгә керә.
«Дару иминият полислары 2023 елның мартыннан почта бүлекләрендә бар. Алар табиб билгеләмәсе буенча сатып алынган медикаментларга чыгымнарның 90% кадәрен кайтарырга мөмкинлек бирә. Әгәр элек дару полисы бары тик 18 яшьтән генә мөмкин булса, хәзер аны бер яшьтән балалар өчен дә рәсмиләштерергә мөмкин», — дип билгеләп үтте Россия Почтасының төбәк идарәсе директоры Илнур Мәхмүтов.