Минзәлә шәһәренең "Юбилейный" спорт мәктәбендә XIV республика йөзү ярышлары башланды.

"Минзәлә автотранспорт предприятиесе" җәмгыяте призларына ярышларга 554 йөзүче килде.

Ачу тантанасының хөрмәтле кунагы булып, СВОда катнашучы АТП директоры Рамил Кәримов булды.

Гадәттәгечә, катнашучыларны һәм кунакларны сәламләп, «Юбилейный» спорт мәктәбенең аэробика бүлеге тәрбияләнүчеләре (тренер — Лилия Яруллина) чыгыш ясады.
Тантаналы ачылыш барышында спортчыларны Минзәлә районы Советы аппараты җитәкчесе Аида Биктимерова сәламләде.
Ярышларның мактаулы кунагы булып аларның инициаторы һәм үзгәрмәс иганәчесе, «Минзәлә АТП» ҖЧҖ директоры Рамил Кәримов катнашты. Бер ел элек ул йөрәк кушуы буенча СВОда катнашырга карар кылды. Катнашучыларга мөрәҗәгать итеп, ул аларга ярышларда лаеклы чыгыш ясарга теләде.
Директор Илфар Сафиуллин үзенең сәламләү сүзендә ярышлар тарихы белән кыскача таныштырды, Рамил Кәримовка һәм «Минзәлә АТП» ҖЧҖ директоры вазыйфаларын вакытлыча башкаручы, аның энесе Марат Каримовка рәхмәт хатлары тапшырды һәм Балалар иҗаты йорты осталары ясаган чигелгән картина бүләк итте. Шулай ук Рамил Кәримовка район хакимияте исеменнән «Ялкын» яшьләр үзәгенең тегү цехында тегелгән йокы капчыгы тапшырылды.
Ачылышта башка бүләкләр дә тапшырылды. «Татарстан Республикасы физик культура һәм спорт отличнигы» күкрәк билгесе белән «Юбилейный» спорт мәктәбенең йөзү буенча тренер-укытучысы Анна Титова бүләкләнде. "Йөзү буенча спорт мастеры кандидаты» билгесе белән Зөләйха Нәбиуллина, ә «I спорт разряды йөзү буенча» билгеләре белән йөзү бүлегеннән Алексей Муринов һәм Ангелина Кудряшова билгеләнде. Республика йөзү һәм волейбол ярышларын оештыруда һәм үткәрүдә ярдәм күрсәткән өчен, Минзәлә педагогия көллияте директоры Гөлназ Хәлиуллина рәхмәт хаты белән билгеләп үтелде. Ярышлар 3 көн дәвам итәчәк. Барлыгы 554 спортчы катнаша, Минзәлә данын 83 йөзүче яклый.