Питомник территориясендә шимбә өмәсе узды
Иртән үк питомник территориясенә техника килеп, чүлмәкләрдә мең ярымнан артык декоратив үсемлекләр (кипарис, хоста, арча, туя, гортензияләр, сирень, спирея, куаклар) китерде. Катнашучылар дус команда булып үсентеләрне бушатып, аларны әзерләнгән траншеяләргә утырттылар. Ир-атлар көрәкләр белән үсемлекләрне күмеп, аларга ышанычлы саклау тәэмин иттеләр.
Баш архитектор Владимир Петров аңлатканча, бу үсемлекләр подрядчы тарафыннан бирелгән, ләкин начар һава шартлары аркасында аларны вакытында планлаштырылган шәһәр территорияләренә утырту мөмкин булмаган.
Хәзер, өмә ярдәмендә, үсентеләр вакытлыча питомникта "кышлаячак". Язын алар Садактагы яңа мәктәп территориясен, "Шатлык" балалар бакчасы янындагы скверны, футбол манежы территориясен һәм башка урыннарны бизәячәк.
Быел шәһәрдә яшелләндерү буенча киң күләмле эшләр башкарылганын әйтергә кирәк: яңа агачлар шәһәр пляжында, педагогия көллияте тулай торагы янында, Ленин урамында һәм башка урыннарда утыртылды.