Балалар иҗаты йортында Бөтендөнья юл-транспорт һәлакәтләре корбаннарын искә алу көненә багышланган акция узды.

2025 елның 17 ноябре, дүшәмбе

Чарада Минзәлә районындагы "Юл хәрәкәте иминлеге" дәүләт бюджет учреждениесе профилактика бүлеге начальнигы Наталья Железкова, Минзәлә җәмигъ мәчете имам-хатибы Рамзиль Хәзрәт, ашыгыч медицина ярдәме бүлегенең өлкән фельдшеры Ландыш Минһаҗева катнашты.

Алар укучыларга юллардагы җаваплылык, юл хәрәкәте кагыйдәләрен бозуның фаҗигале нәтиҗәләре турында искә төшерделәр.

Чара юл-транспорт һәлакәтләрендә һәлак булганнарны искә алу өчен шәмнәр яндыру һәм плакатлар белән бер минут тынлык белән тәмамланды.
Юлларда иминлек кагыйдәләрен үтәп, сез үзегезнең генә түгел, әйләнә-тирәдәгеләрнең дә гомерен саклап калырсыз.