Татарстанлыларның почта бүлекләрендә үз-үзләренә хезмәт күрсәтү мөмкинлекләре артты.
Почта клиентлар күп булган бүлекләрдә үз-үзләренә хезмәт күрсәтү зоналарының функционалын киңәйтте. Хәзер, монда урнаштырылган клиент компьютеры, принтер һәм үлчәүләр ярдәмендә хат яки посылка җибәрүне мөстәкыйль рәвештә рәсмиләштерү һәм түләү мөмкинлегеннән тыш, үз-үзләренә хезмәт күрсәтү зонасында газеталар һәм журналларга язылырга, авыр посылканы китерү яки алу өчен өйгә курьер чакырырга, абонент тартмасын арендага алырга, онлайн режимда открыткалар яки телеграммалар җибәрергә, җибәрүне күзәтергә, алдан рәсмиләштерелгән посылка яки хат өчен бланк бастырырга һ.б. мөмкин.
Клиент компьютерының Шәхси кабинеты интерфейсы яңартылды. Дисплей яктырак, шрифтлар зуррак, ә күрсәтмәләр белән меню тагын да аңлаешлырак булды. Хатлар яки посылкаларны үлчәү өчен аерым экран-күрсәтмә барлыкка килде. Җибәрүләрне рәсмиләштергәндә хәзер телефон номеры буенча алучыны тиз табарга мөмкин: аны кертү белән адрес автоматик рәвештә тартыла (әгәр алучы Почта системасында авторизацияләнгән булса).
Үз-үзеңә хезмәт күрсәтү зоналарына керү җиңел һәм куркынычсыз: клиент мобиль телефон номерын яки электрон почта адресын кертә, аннары керү өчен бер тапкыр кулланыла торган код ала. Үз-үзеңә хезмәт күрсәтү зоналарындагы компьютерлар махсус сакланган элемтә каналлары буенча эшли, тышкы системалар аларга керә алмый, бу клиентларның шәхси мәгълүматларының тулы конфиденциальлеген гарантияли. Әгәр клиент үзенең шәхси кабинетыннан чыгуны онытса, экранда бер минут эшсезлектән соң кире санау таймеры пәйда була, аннары система автомат рәвештә сеансны тәмамлый.
«Үз-үзеңә хезмәт күрсәтү зоналары клиентларга почта бүлегенә килү вакытында күп вакытны экономияләргә ярдәм итә. Безгә бик мөһим, компьютерларны төрле дәрәҗәдәге цифрлы грамоталылыкка ия кешеләргә куллану уңайлы булсын, ә хезмәткәрләр һәрвакыт ярдәм итәргә һәм төрле хезмәтләрне ничек алырга кирәклеген аңлатырга әзер. Почта технологияләрне камилләштереп кенә калмый — ул һәр клиент өчен почта бүлегенә һәр килүне уңайлы һәм җиңел итәргә омтыла», ― дип билгеләп үтте Россия Почтасының онлайн-каналлар белән идарә итү блогы директоры Даһир Семёнов.