Татарстанлылар QR-код буенча интернетка тоташмыйча посылкалар ала ала
Хәзер Татарстанның почта бүлекләрендә посылкалар алу өчен интернетка тоташу яки үзең белән паспорт булу кирәк түгел. Россия Почтасы мобиль кушымтаны яңартты, офлайн-режимда QR-код генерацияләү мөмкинлеген өстәде.
Офлайн-режимда QR-код ясау процессы гади һәм аңлаешлы. Иң элек, Россия Почтасының мобиль кушымтасы иң яңа версиягә яңартылган булуын тикшерергә кирәк. Аннары кушымтаны ачып, QR-код ясау битенә күчәргә кирәк. Шуннан соң «QR-кодны күрсәтү» төймәсенә басып, аны почта бүлеге хезмәткәренә тиз сканерлау өчен күрсәтергә кирәк.
«Яңалык почта җибәрүләрен алу процессын шактый җиңеләйтте, аеруча тотрыксыз элемтә булган урыннарда. Яңа функционал посылкаларны күпкә тизрәк һәм җиңелрәк алырга мөмкинлек бирә», — дип билгеләп үтте Россия Почтасының төбәк идарәсе директоры Илнур Мәхмүтов.
Төп өстенлекләрнең берсе — интернетка тоташу кирәк булмау. QR-код кушымта эчендә, челтәр каплавы сыйфатына бәйсез рәвештә, ясала. Посылка алу өчен паспортны үзең белән алу кирәк булмаячак, аның урынына QR-кодны күрсәтү җитә.