Россиядә яшьләр арасында тарихи белем бирү өлкәсендә "Тарих тавышы" Бөтенроссия премиясенә гаризалар кабул итү башланды.
Россиядә беренче тапкыр яшьләр арасында тарихи белем бирү өлкәсендә Бөтенроссия премиясе узачак. Аның максаты — тарихны укытуның иң яхшы ысулларын хуплау һәм тарату, яңалыкка омтылган якын килүләрне дәртләндерү һәм балаларны, үсмерләрне илебезнең тарихи мирасын актив өйрәнүгә һәм саклауга җәлеп итү.
Премия үз эченә милли тарихны популярлаштыру, патриотик тәрбия, тарихи дөреслекне саклау һәм яклау юнәлешләрен колачлаган 10 номинацияне ала.
Премиядә 12 яшьтән өлкән РФ гражданнары, юридик затлар һәм авторлар коллективлары катнаша ала. "Россия тарихы турында иң яхшы чит ил проекты" номинациясендә катнашу өчен чит ил дәүләтләренең физик һәм юридик затлары чакырыла.
Премия лауреатлары һөнәри танылудан тыш, кыйммәтле бүләкләр һәм премия партнерлары һәм оештыручыларыннан ярдәм алачак, киң эшлекле һәм мәдәни программа белән Мәскәүдә премия тапшыру тантанасында катнашачак, күренекле дәүләт эшлеклеләре һәм танылган тарихчылар белән очрашачак.
Премиядә катнашу өчен гаризаны проектның рәсми сайтында ano-geroiotechestva.ru/award 1 ноябрьгә кадәр бирергә мөмкин. Җиңүчеләрнең исемнәре 2025 елның ноябрь ахырына планлаштырылган тантаналы чарада игълан ителәчәк.
Мондый проектларны үткәрү "Яшьләр һәм балалар" милли проектының максатларына һәм бурычларына ирешүгә ярдәм итә.
Премияне оештыручы — «Ватан Геройлары» автоном коммерцияле булмаган оешмасы, Беренчеләр Хәрәкәте грант ярдәме белән. Премиянең партнерлары булып РФ Мәгариф министрлыгы, Россия тарихи җәмгыяте, Россия хәрби-тарихи җәмгыяте, Роспатриотцентр, федераль музейлар, Дәүләт Думасы депутатлары һәм РФ сенаторлары чыгыш ясый.