«СОРАУ – ҖАВАП» ФОРМАТЫ
СОРАУ: Безнең идарәче компания подъездларда җыештыруны, тәрәзәләрне һәм тәрәзә төпләрен юуны бөтенләй туктатты. Ул күпфатирлы йортның гомуми милкенең әлеге биналарын агымдагы тоту эшләрен башкарырга тиешме, әгәр тиеш булса, бу нинди эш төрләре?
ҖАВАП: Әлеге биналарны тиешле хәлдә тоту сезнең идарәче компаниягезнең бурычы булып тора.
Россия Федерациясе Хөкүмәтенең 2013 елның 3 апрелендәге 290 номерлы карары белән күпфатирлы йортта гомуми милекне тиешле хәлдә тоту өчен кирәкле хезмәтләр һәм эшләрнең минималь исемлеге расланды (алга таба – Исемлек).
Исемлекнең 23 пунктына ярашлы, күпфатирлы йортта гомуми милек составына кергән биналарны тоту эшләрен үз эченә ала:
- тамбурларны, холлларны, коридорларны, галереяләрне, лифт мәйданчыкларын һәм лифт холлларын һәм кабиналарын, баскыч мәйданчыкларын һәм маршларын, пандусларны коры һәм юеш җыештыру;
тәрәзә төпләрен, тәрәзә рәшәткәләрен, баскыч култыксаларын, электр счетчиклары өчен шкафларны, почта тартмаларын, ишек рамкаларын, ишек япмаларын, ишек тоткаларын юеш сөртү;
- тәрәзәләрне юу;
- пычракка каршы системаларны чистарту (металл рәшәткәләр, күзәнәкле капламалар, чокырлар, тукымалы келәмнәр);
- күпфатирлы йортта гомуми милек составына кергән биналарга дератизация һәм дезинсекция үткәрү, септикларны, әлеге йорт урнашкан җир участогындагы ишегалды бәдрәфләрен дезинфекцияләү.