Минзәлә районының Җәмәк авылында клуб ачылды.

50 кеше сыйдырышлы тамашачы залы булган бинада репетицияләр өчен бүлмә дә бар. 

Авыл халкы бу компакт үзәккә бик шат. Яңа клубны авыл халкы озак көтте. Сабырлык — алтын, диләр халыкта. Бу көн килде. Авыл халкының шатлыгын уртаклашырга рәсми затлар гына түгел, ә күрше авыллардан иҗат коллективлары да килде.

Район башлыгы Айдар Сәлахов, Татарстан Дәүләт Советы депутаты Азат Хәмәев үз котлауларын җиткерделәр, аннары кызыл тасманы кистеләр. Мәдәният хезмәткәрләре бәйрәмне ихлас, эчтәлекле иттеләр.

Рәхмәт хатлары бу социаль әһәмиятле объектны төзүдә, аның территориясен төзекләндерүдә актив катнашкан һәркемгә тапшырылды. Клуб мөдиренә җиһазлар сатып алу өчен сертификат тапшырылды.