Консультация - Татарстан Республикасы территориясендә 27 августта 05 - 21 сәгатьләрдә метеорологик күренешләрнең интенсивлыгы турында кисәтү

Хөрмәтле гражданнар! Татарстан Республикасының Гидрометеорология һәм әйләнә-тирә мохитне күзәтү идарәсе ФДБУдан мәгълүмат килде:

Консультация – метеорологик күренешләрнең интенсивлыгы турында кисәтү.

2025 елның 27 августында 5тән 21 сәгатькә кадәр.

Иртән, көндез һәм кичен 27 августта Татарстан Республикасы территориясендә кайбер урыннарда яшен һәм көчле җил 15-20 м/с тизлеккә җитәргә мөмкин, боз явуы ихтимал.

Россия Гадәттән тыш хәлләр министрлыгының Татарстан Республикасы буенча идарәсе тәкъдим итә: 

Җил көчәйгән вакытта:

1. Биналардан чыгуны чикләргә тәкъдим итәбез, биналарда булырга. Балаларны күзәтүсез калдырмау мөһим.

2. Әгәр көчле җил сезне урамда тотып алса, җир асты кичүләрендә яки биналарның подъездларында сыенырга киңәш итәбез. Көчле җилдән йорт диварлары янында качарга кирәкми, чөнки түбәләрдән шифер һәм башка түбә материаллары төшүе мөмкин. Бу җәмәгать транспорты тукталышларына, төзелеп бетмәгән биналарга да карый.

3. Урамда реклама такталары, элмә такталар, юл билгеләре, электр тапшыру линияләреннән ераграк торырга кирәк.

4. Зур агачлар янында булырга, шулай ук алар янында автотранспортны туктатырга ярамый – җил белән өзелгән ботаклар зур куркыныч тудырырга мөмкин.

5. Көчле җил вакытында электр тапшыру линияләре астында тору һәм өзелгән электр чыбыкларына якын килү үлемгә китерергә мөмкин.

6. Куркыныч тудырырга мөмкин булган әйберләр: югары катларның тәрәзәләреннән төшкән ватылган пыялалар, шулай ук җил белән кубарылган түбә элементлары һәм гипс декоры. Мондый янау төзелеп килүче яки төзекләндерелүче биналар янында арта.

7. Өйләрнең барлык тәрәзәләрен ныклап ябарга, балконнар һәм лоджияләрдән тышка төшеп китәргә мөмкин булган әйберләрне алып куярга кирәк.

8. Торак яки эш урынында тәрәзәләрдән мөмкин кадәр ераграк торырга кирәк.

Боз яуганда:

- мөмкин булганда өйдән чыкмагыз;

- бина эчендә булганда, тәрәзәләрдән мөмкин кадәр ераграк торыгыз;

- электр приборларын кулланмагыз, чөнки боз яуганда гадәттә яшенле яңгыр була;

- урамда булганда, сыеныр урын табарга тырышыгыз, әгәр бу мөмкин түгел икән, башыгызны боз кисәкләреннән саклагыз (башыгызны кулларыгыз, сумкагыз, киемегез белән каплагыз);

- агачлар астында сыенырга тырышмагыз, чөнки аларга яшен сугу гына түгел, ә зур боз кисәкләре һәм көчле җил агач ботакларын сындырып, сезгә өстәмә зыян китерү куркынычы да зур.

Яңгыр вакытында үзеңне ничек сакларга:

Күп яңгыр яуганлыгы турында мәгълүмат алганда, шәһәр буйлап йөрүдән тыелыгыз, мөмкин булса, фатирда яки эштә калыгыз. Сымлы һәм радиотапшыру чараларын кабызыгыз.

Әгәр көчле яңгыр сезне урамда тотып алса

Җир асты кичүләренә һәм башка тирәнәйтелгән биналарга төшмәгез. Мөмкин булган су басу дәрәҗәсеннән югарырак урнашкан биналарда сыенырга тырышыгыз.

Әгәр яңгыр сезне бинада тотып алса.

Әгәр сез булган бина (бүлмә) су баса башласа, аны калдырып, якындагы калкулыкка күчәргә тырышыгыз.

Әгәр көчле яңгыр сезне шәхси транспортта тотып алса.

Су баскан урыннарны үтәргә тырышмагыз. Акрын гына уң яктагы иң чит рәткә (юл кырыена) күчегез һәм ашыгыч тормозга басмыйча, хәрәкәтне туктатыгыз. Авария утларын кабызыгыз һәм яңгыр туктаганны көтегез. Су тиз күтәрелгән очракта, транспорт чарасын калдырып, биек урынга яки якындагы бинага барыгыз.

Әгәр сез автомобильдә хәрәкәт итәсез икән, хәрәкәтне туктатыгыз. Автомобильдә булганда, тәрәзәләрдән ераграк торыгыз. Аларга арка белән борылып (салонның үзәгенә йөз белән) һәм күзләрне куллар яки кием белән каплау яхшырак. Әгәр сезнең белән кечкенә балалар булса, аларны үз тәнегез белән капларга, шулай ук күзләрен кием белән яки кул белән капларга кирәк. Әгәр салонның үлчәмнәре мөмкинлек бирсә — идәнгә яту яхшырак.

Янгын куркынычсызлыгы кагыйдәләрен истә тотыгыз һәм үтәгез:

· спиртлы эчемлекләрне артык кулланмагыз, беркайчан да караватта тәмәке тартмагыз

· балаларны күзәтүсез калдырмагыз, аларга янгын куркынычсызлыгының төп кагыйдәләрен өйрәтегез;

· беркайчан да төзек булмаган электр үткәргечләрен кулланмагыз, электр челтәрен артык йөкләмәгез, электр җылыткычын кулланганда сак булыгыз

-электр көнкүреш һәм газ җиһазларын караучысыз калдырмагыз.

Берәр бәла-каза булганда, сез һәрвакыт ашыгыч хезмәтләрне чакыруның бердәм номеры – "112"гә мөрәҗәгать итә аласыз. Шалтыратулар тәүлек әйләнәсе һәм шәһәр, кәрәзле телефоннардан бушлай кабул ителә.