Халыкара гепатитка каршы көрәш көне (28 июль) уңаеннан, 28 июльдән 3 августка кадәр Россиядә бавыр авыруларын профилактикалау атнасы уза.
Кеше организмы сәламәтлеге турыдан-туры бавыр эшчәнлегенә бәйле. Бу безнең тәнебездәге иң зур биз. Ул 500 дән артык функция башкара һәм анда минутына 20 миллионга якын химик реакция бара.
Гепатит — вируслар (А, В, С, D, Е) яисә башка факторлар белән бәйле бавырның ялкынсынуы.
Гепатит вируслары төрле юллар белән тарала:
А һәм Е гепатитлары — пычрак су һәм азык-төлек һәм юылмаган куллар аша;
В, С һәм D гепатитлары — кан аша (инъекцияләр, татуировкалар, пирсинглар ясату һәм башка процедуралар), анадан балага һәм җенси юл белән.
Ел саен 1,4 млн кешене үлемгә китерүче В һәм С гепатитлары. COVID-19 пандемиясе фонында гепатит вирусыннан үлүчеләр саны артты.
Үзеңне гепатиттан ничек сакларга?
В гепатитыннан прививка ясагыз;
зарарлану куркынычы булганда, гепатит вирусына анализларны даими тапшырыгыз;
авырлык, туклануны контрольдә тотыгыз һәм физик актив булыгыз;
шикәр куллануны кыскартыгыз. Бу бавырның яшерен дошманы: газлы суларда һәм йогыртлардагы фруктоза алкоголь кебек эшкәртелә, майга әверелә һәм алкогольле булмаган май авыруына китерә;
алкоголь организмны акрынлап зарарлый. Бавыр аны эшкәртә, әмма даими куллану май гепатозына китерә, соңрак - гепатитка һәм циррозга. Чамадан тыш кулланмагыз.
Бавыр сәламәтлеге - яман гадәтләрдән баш тарту гына түгел, ә үз сәламәтлегеңә аңлы мөнәсәбәт.
Профилактика чараларын күрегез, үзвакытында диспансеризация узыгыз, сәламәт яшәү рәвеше алып барыгыз һәм табибка үз вакытында мөрәҗәгать итегез!
Гомуми практика табибы Мөслимова Наилә Габделбар кызы