Кулланучы әлифбасы: канун күзлегеннән чәчтараш хезмәтләре

Чәчтараш һәм матурлык салоннарында хезмәт күрсәтү 07.02.1992 елдагы №2300-1 "Кулланучыларның хокукларын яклау турында"гы РФ Законы, Россия Федерациясе Хөкүмәтенең 2020 елның 21 сентябрендәге №1514 (алга таба - Кагыйдәләр) карары белән расланган Халыкка көнкүреш хезмәте күрсәтү кагыйдәләре, ГОСТ Р 51142-2019 «Көнкүреш хезмәтләре. Чәчтараш һәм матурлык салоннары хезмәтләре. Гомуми техник шартлар».

РФ Гражданнар кодексы нигезендә, кулланучылар чәчтараш хезмәтләренә мөрәҗәгать иткәндә. кулланучы һәм әлеге хезмәтләр күрсәтүче эшмәкәр арасында ачык килешү төзелә.

Шуның нигезендә хезмәт күрсәтүче яки эш башкаручы зат үз эшчәнлеге характеры буенча, кешенең җенесенә, расасына, милләтенә, диненә һәм башка факторларга карамастан мөрәҗәгат иткән һәркемгә карата эшен башкарырга тиеш.

 Дискриминация  тыела һәм канун буенча җәза бирелергә мөмкин. 

Чәчтараш салоннары хезмәт күрсәтүдән баш тартуның мөмкин булган сәбәпләре:

-авырулар булу (педикулез, корчаңгы һ.б.лар) яки чәчне кисү яки җыеп кую чәчләргә зыян салырлык торышы. Клиент сәламәтлегенә зыян салмас өчен, чәчтараш бу очракта эштән баш тартырга хокуклы. 

-эш башкару өчен кирәкле инструмент яки материаллар булмаса, чәчтараш баш тартырга мөмкин.  Мисал өчен, әгәр клиент стандарт булмаган төсне сайлаган, әмма чәчтараш кул астында андый буяу юк икән, ул әлеге процедураны башкарудан баш тартырга мөмкин.

Клиент үз-үзен дорфа тоткан очракта да, чәчтараш хезмәт күрсәтүдән баш тартырга мөмкин. Әгәр клиент агрессив, яман сүзләр куллана, исерек хәлдә икән.

Канун нормалары чәчтарашның клиентка хезмәт күрсәтмәү сәбәпләрен аңлатырга, мөмкин булса, альтернатив вариантлар һәм тәкъдимнәр кертүне күздә тота.

Чәчтараш хезмәтләре күрсәтүче оешма һәм кулланучы арасында низаг чыккан очракта, низагны судка кадәр хәл итү өчен хезмәтләр күрсәтүчегә язмача претензия җибәрергә кирәк.

Кулланучы таләпләре дәгъва язмача тапшырылганнан соң 10 көн эчендә канәгатьләндерелергә тиеш. 

Кулланучылар хокукларын яклау өлкәсендә консультацияләр алу өчен ТР Дәүләт алкоголь инспекциясенең Яр Чаллы территориаль органының "кайнар элемтә"сенә - 71-43-03 телефоны аша шалтыратырга була.

Тулырак мәгълүмат ВК https://vk.com/gosalcogolrt

Набережночелнинский территориальный орган  Госалкогольинспекции Республики Татарстан