Табиб киңәше: энтеровируслы инфекциядән ничек сакланырга?
Алар аеруча язгы-җәйге чорда актив һәм төрлечә булырга мөмкин: җиңелчә салкын тигерү һәм серозлы менингитка кадәр булган, катлаулы формада эчәклекнең эшчәнлеге бозылуга кадәр.
Ничек зарарлану мөмкин?
Инфекция чыганагы — авыру кеше яки вирусны йөртүче. Вирус күчүнең төп юллары:
— Контактлы көнкүреш — пычрак куллар, көнкүреш предметлары аша.
— Азык һәм су аша — зарарланган су, юылмаган яшелчә һәм җиләк-җимеш.
— һавадагы тамчылар аша — төчкергәндә, йөткергәндә.
Аз гына вирустан да зыян күрергә була, шуның өчен балалар һәм иммунитеты түбән булган кешеләр аеруча куркыныч астында.
Энтеровируслы инфекция симптомнары
Авыру гадәти салкын тигерү яисә эчәклек эшчәнлеге бозылудан башланырга мөмкин. Төп билгеләре:
— югары температура,
— хәлсезлек, баш һәм мускуллар авырту,
— тәндә таплар барлыкка килү,
— күңел болгану, косу, диарея,
— авыр очракларда — менингит симптомнары (көчле баш авырту, арт чүмече мускулларының көчсезлеге, көзән җыеру).
Ничек сакланырга?
Энтеровируслы инфекциядән специфик вакцина юк, шуның өчен профилактика мөһим:
✔ Урамнан, туалеттан соң һәм ашар алдыннан кулларны юарга.
✔ Кайнаган яки шешәләрдәге суны гына эчәргә.
✔ Яшелчә һәм җиләк-җимешне яхшылап юарга (башта аккан су, аннары кайнаган су белән).
✔ Шикле сулыкларда һәм санитар нормалар бозылган бассейннарда су коенудан тыелыгыз.
✔ авыру билгеләре булган очракта, баланы бакчага, мәктәпкә яки түгәрәккә җибәрмәгез.
Авырган очракта нишләргә?
Авыруның беренче билгеләре булганда тиз арада табибка мөрәҗәгать итегез! Бары тик белгеч кенә төгәл диагноз куя һәм дәвалану билгели ала.
Үз сәламәтлегегезгә игътибарлы булыгыз һәм профилактик чараларны үтәгез!