Хөрмәтле Минзәлә шәһәре һәм районы халкы!
Җәй - чиста сулыкларыбыз яр буйларында гаилә белән ял итү, күңелле мизгелләр кичереп, ял итү вакыты.
Кызганычка каршы, табигатькә чыкканнан соң, пластик шешәләр, азыктан калган пакетлар һәм башка чүп җыелмыйча кала.Тәртипсезлек калдырып, сез әйләнә-тирә мохиткә зыян салып кына калмыйча, якыннарыгыз сәламәтлеген дә куркыныч астына куясыз. Очлы предметлар, пыяла ватыклары балалар өчен дә, өлкәннәр өчен дә куркыныч.
Табигатебез — барыбыз өчен дә зур байлык, аның саклануы өчен без барыбыз да җаваплы!
Су - яшәешебез нигезе. Сулыкларны чиста тоту — сәламәтлек һәм киләчәгебез турында кайгырту!
Өмәләрдә актив катнашып, экологик инициативаларны яклап чыгучыларга без аеруча рәхмәтле!
Исегездә тотыгыз: сезнең һәр гамәлегез әһәмияткә ия. Сулыкларыбызны чиста һәм куркынычсыз итик!