Казанда Татарстан Республикасының Балигъ булмаганнарның иң яхшы җәмәгать тәрбиячеләрен бүләкләделәр
27 ноябрьдә Казан шәһәренең Милли китапханәсе базасында Ел саен үткәрелә торган «Татарстан Республикасының Балигъ булмаганнарның иң яхшы җәмәгать тәрбиячесе»республика конкурсында җиңүчеләрне бүләкләү тантанасы булды.
Безнең районнан Минзәлә муниципаль районы Башкарма комитетының балигъ булмаганнар эшләре һәм аларның хокукларын яклау комиссиясе рәисе Нәлә Габдулла кызы Бикеева, җәмәгать тәрбиячесе - конкурс лауреаты Регина Марсель кызы Әхмәдиева, җаваплы сәркатибе Гөлнара Александровна Балябина чыгыш ясады.
Чара кунаклары игътибарына Милли китапханә буйлап экскурсия, зур концерт, конкурста җиңүчеләрне бүләкләү оештырылды. Доклад белән Балигъ булмаганнар эшләре һәм аларның хокукларын яклау буенча республика комиссиясе рәисе урынбасары Алсу Мөниб кызы Асадуллина чыгыш ясады. Шулай ук тантанада катнашучылар өчен концерт программасы да әзерләнде. Сәхнәдә Казанның музыкаль төркемнәре һәм артистлары чыгыш ясады.
«Татарстан Республикасында балигъ булмаганнарның иң яхшы җәмәгать тәрбиячесе» конкурсы 2012 елдан бирле үткәрелә. Аның төп максаты-республика дәрәҗәсендә җәмәгать тәрбиячеләренең абруен, статусын күтәрү.