Минзәләдә Бөтенроссия хәрби хезмәткә чакырылучылар көне узды
Бүген район мәдәният йортында тиздән РФ Кораллы көчләренең бер өлеше булырга тиешле район яшьләренә багышланган тантаналы чара узды.
Балаларга сәламләү сүзе белән район Башкарма комитеты җитәкчесе урынбасары Неля Бикеева мөрәҗәгать итте.
Минзәлә районы хәрби комиссары Сергей Владимиров Россия Федерациясе Президентының Указын һәм Россия Федерациясе Оборона министрының гражданнарны чираттагы тапкыр хәрби хезмәткә чакыра башлау турындагы боерыгын укыды.
Хәрби хезмәткә чакырылучыларга Казан Богородица чиркәве настоятеле, иерей Евгений Лазарев һәм мәчет имам-мөхтәсибе Рәмзил хәзрәт Садыйков котлау сүзе белән мөрәҗәгать иттеләр.
Үз уллары өчен иң көчле дулкынланулар ата-аналар өлешенә төшә. Озакламый илебезнең төрле почмакларында аларның уллары Ватан тынычлыгын саклаячак. Бу малайлар инде зур булып күренсәләр дә, әти-әниләре өчен алар элеккечә үк балалар! Хәрби хезмәткә чакырылучының әнисе Эльвира Завьялова иң изге теләкләрен җиткерде.
Призывниклар исеменнән тантаналы җавап сүзе белән Вадима Завьялов чыгыш ясады, ул намуслы һәм лаеклы хезмәт итәргә вәгъдә итте.
Әлеге күркәм очрашу истәлегенә хәрби хезмәткә чакырылучыларга тантаналы шартларда район хакимиятеннән истәлекле бүләкләр тапшырылды.
Бәйрәм программасы барлык катнашучылар өчен иҗади бүләк булды.
https://menzela.ru/news/tema-dnya/v-menzelinske-prosel-vserossiiskii-den-prizyvnika