Минзәлә районы кулланучыларының агарту эше
Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре ай саен хуҗалык итүче субъектлар һәм ведомство буйсынуындагы районнар кулланучылары өчен профилактик чаралар оештыра. Чараларны үткәрүнең максаты халыкның кулланучылар белемен арттыру. Белгечләр сәүдә нокталары җитәкчеләре һәм сатучылары белән укыту семинарлары үткәрә, аларда гамәлдәге законнарны аңлаталар һәм кулланучылар базары өлкәсендәге сорауларга җавап бирәләр. Кулланучылар өчен сәүдә үзәкләрендә консультация өстәлләре, базарларда кизү торулар, буклетлар тарату буенча акцияләр үткәрелә. Бу атнада Татарстан Республикасы Дәүләт алкоголь инспекциясе тарафыннан эшләнгән рус һәм татар телләрендәге мәгълүмати истәлекләр һәм буклетлар тарату буенча «Грамоталы кулланучы» акциясе үткәрелде. Район халкы акциядә бик теләп катнашты, белгечләр белән аралашты, кулланучылар базары өлкәсенә кагылышлы үз сорауларын бирде, белгечләрдән квалификацияле җаваплар алды, бу сорауларны хәл итү юллары белән танышты. Акциядә катнашучыларның барысына да Яр Чаллы территориаль органының Кайнар линиясе эше турында мәгълүмат бирелде. Без сезнең һәм республикабыз өчен эшлибез.
Татарстан Республикасы Дәүләт алкоголь инспекциясенең Чаллы территориаль органы