Минзәләдә гаилә парын "алтын" юбилейлары белән котладылар
Илле ел узгач, Турчаниновлар элеккечә бер-берсенә гашыйк күзләре белән карыйлар.
Гаилә бәхетенең сере нәрсәдә соң дигән сорауга Геннадий Мстиславович белән Нина Михайловна елмаеп җавап бирәләр: иң мөһиме — бер-береңне хөрмәт итү, бер-береңә ышану, аңлау, юл кую һәм балаларың һәм оныкларың өчен үрнәк булу.
Без һәрвакыт бергә: эштә дә, өйдә дә, бакчада да. Без җеп һәм энә кебек, ул кая, мин дә шунда, - дип уртаклаша хатыны Нина Турчанинова.
Бу гаилә яшь буын өчен яхшы үрнәк булып тора. Монда мәхәббәт һәм татулык хөкем сөрә. "Тормышта барысы да булды. Ләкин аңлау, сабырлык, зирәклек илле ел бергә яшәргә ярдәм итте!"- диләр ир белән хатын, кулларын тотып.
Юбилярларны район башлыгы исеменнән район башкарма комитеты җитәкчесе урынбасары Неля Бикеева җылы котлады.
- Хөрмәтле юбилярлар, сез үзара мәхәббәт һәм тугрылыкның ачык үрнәге булып торасыз. РФ Президенты В.Путин игълан иткән гаилә елында сезнең гаилә тормышының 50 еллыгын билгеләп үтүегез символик мәгънәгә ия. Бергәләп тормышыгызны кулга-кул тотынышып уздырдыгыз, мәхәббәтегезне, бер-берегезгә тугрылыгыгызны сакладыгыз, киләчәктә дә үзара аңлашуыгызны, балаларыгыз һәм оныкларыгызның уңышларына сөенеп яшәвегезне телим. Сезгә бәхет, иминлек һәм тыныч күк йөзе.
Районның ЗАГС бүлеге җитәкчесе Анна Куприянова гаиләгә тагын бик күп матур һәм шатлыклы көннәр, ныклы сәламәтлек һәм зур бәхет теләде.
Без чын күңелдән юбилярларны шушы матур көн белән котлыйбыз. Тагын күп еллар бергә бәхетле яшәвегезне телибез!
https://menzela.ru/news/tema-dnya/v-menzelinske-pozdravili-semeinuiu-paru-s-zolotym-iubileem