Юлларда куркынычсызлык-һәркемнең җаваплылыгы!
Статистика буенча, Россиядә һәр көнне юл-транспорт һәлакәтендә 40 кеше үлә, тагын 500 кеше төрле дәрәҗәдәге җәрәхәтләр ала. Шуңа бәйле рәвештә юл хәрәкәте кагыйдәләрен үтәүнең мөһимлеген искә төшерергә телибез. Бу анда катнашучыларның барысына да кагыла: машина йөртүчеләргә, җәяүлеләргә һәм пассажирларга.
Шуны истә тотарга кирәк: автомобиль-югары куркыныч чарасы, шуңа күрә машина йөртүче тизлек режимын саклап, куркынычсызлык каешын эләктереп, машина йөрткәндә игътибарын читкә юнәлтмичә һәм исерек хәлдә руль артына утырмыйча игътибарлы һәм сак булырга тиеш.
Җиде яшькә кадәрге балаларны йөртү махсус балалар креслосында гына мөмкин, ә җиде яшьтән өлкәнрәк балалар аннан башка гына йөри ала, тик арткы утыргычта һәм куркынычсызлык каешын эләктереп кенә.
Пассажирларга һәм җәяүлеләргә шулай ук куркынычсызлык кагыйдәләрен үтәү мөһим.
Шунысын да билгеләп үтәргә кирәк, бу чаралар юл-транспорт һәлакәтләре санын киметүгә генә түгел, ә юлларның сыйфатын яхшыртуга да юнәлдерелгән. Россиядә «Имин һәм сыйфатлы юллар» милли проекты гамәлгә ашырыла, аның максаты илнең юл челтәренең торышын яхшырту, бу аварияләр санын киметергә һәм юлларда куркынычсызлык дәрәҗәсен арттырырга мөмкинлек бирәчәк.