"Тургай" приюты педагогы балаларга хезмәткә мәхәббәт тәрбияли һәм милли традицияләр белән таныштыра
21 ел элек, 2003 елның ноябрендә Иске Матвеевка авылындагы элеккеге район хастаханәсе бинасында "Минзәлә районында „Татарстан Республикасы социаль яклау министрлыгының Балигъ булмаганнар өчен социаль-реабилитация үзәге" дәүләт учреждениесе ишекләре ачылды. Монда социаль реабилитация алырга, ял итәргә, сәламәтлекләрен яхшыртырга һәм авыр шартларга эләккән балалар арасында аралашырга мөмкиннәр. Үзәкнең беренче җитәкчесе Гайниев фәйзинур Мавзиевич була.
Бүген «Тургай» социаль приюты җитәкчесе-Илгизә Исхакова.
Социаль приютта зур, игелекле йөрәкле һәм күпьеллык стажы булган кешеләр эшли. Аларның берсе-Нуриев Рафаэль Зәки улы.
Ул Алабуга дәүләт педагогия институтын «технология укытучысы»белгечлеге буенча тәмамлаган. Социаль өлкәдә хезмәт юлын 2003 елда тәрбияче вазифасына ачылганнан соң башлый.
Рафаэль Зәки улы яхшы һөнәри әзерлеккә ия. Тәрбияләнүчеләр белән эшне Хезмәттәшлек педагогикасы нигезендә аларның психологик — педагогик характеристикаларын исәпкә алып төзи.
Рафаэль Зәки улы эшлекле, иҗади эшләүче педагог. Приютта тәрбияләнүчеләр белән слесарь һәм балта остасы эше буенча дәресләр үткәрә, эшкә мәхәббәт тәрбияли. Милли җырларны һәм биюләрне өйрәнә, балаларны татар халкының милли традицияләре белән таныштыра. Спорт ярышларында, үзешчән сәнгать смотрларында актив катнаша.
Хезмәт эшчәнлеге дәвамында ул иҗади идеяләр һәм эшләнмәләр инициаторы булып тора. Хезмәттәшләре, тәрбияләнүчеләре, әти-әниләре белән мөнәсәбәтләрне хезмәттәшлек һәм үзара аңлашу нигезендә төзи. Приюттагы коллегалары һәм тәрбияләнүчеләре арасында бәхәссез абруйга ия.
Рафаэль Зәкиевич «тәрбияче»вазифасында 1 квалификация категориясенә ия.
2012 елда Без хәтерлибез проекты белән Ритэк социаль һәм мәдәни проектлар конкурсында җиңүче булды. Без хөрмәт итәбез.
2014 елда"социаль хезмәт күрсәтү учреждениесенең иң яхшы хезмәткәре" конкурсында 3 урынны яулый
2024 елда күпьеллык кимчелексез хезмәте, хезмәт бурычларын үрнәк итеп үтәгәне өчен аңа РФ Хезмәт һәм социаль яклау министрлыгының Рәхмәт хаты тапшырылды.