Квест-уен формасында уку дәресе
Районның мәктәп лагерьларында профилактикага аерым игътибар бирелә бүлмәләр юылган, рециркуляторлар белән җиһазландырылган, контактсыз термометрлар бар, лагерьларда тәрбиячеләр медицина тикшерүе узган.
Ял итүче балалар арасында сәламәт яшәү рәвеше агитациясе кысаларында Татарстан Республикасы Роспотребнадзорының Яр Чаллы бүлеге белгеч-экспертлары (Татьяна Ордина — баш эксперт һәм Ләйсән Мөхәммәтшина — әйдәп баручы белгеч) «Полянка»шәһәр читендәге сәламәтләндерү лагеренда балалар белән уен формасында уку дәресе үткәрүдә катнаштылар. Биредә барлыгы 71 бала ял итә, шуларның 45е — Казаннан.
Профилактик визит белән килгән уен формасындагы белгечләр балаларга туклану, медицина хезмәте күрсәтүне оештыруны, лагерьдагы эчке тәртип кагыйдәләрен, балаларның шәхси гигиена кагыйдәләрен үтәүне карадылар. Аннары «Без сәламәт яшәү рәвеше өчен»девизы астында уен узды. Экспертлар уенда катнашкан һәр балага шоколад тапшырдылар. Әлеге квест-уен лагерьда ял итүче балалар арасында сәламәт яшәү рәвешен пропагандалауны активлаштыру, наркоманиягә, тәмәке тартуга һәм алкоголизмга каршы чараларга күбрәк яшьләрне һәм яшүсмерләрне җәлеп итү максатыннан оештырылган.
Роспотребнадзор белгечләре визит барышында бүлмәләрдәге тәртипне, ризыкларның сыйфатын, яңа әзерләнгәнлеген, расланган менюга туры килүен билгеләп үттеләр.
Татьяна Ордина:
- Биредә тәрбияләнүче, ял итүче балалар өчен барлык шартлар да тудырылган. Балаларны тукландыру югары дәрәҗәдә оештырылган, сәламәтләндерү лагеренда безнең киңәшләрне үтиләр.
Елена Соловьева, Ел әйләнәсе «Полянка»сәламәтләндерү лагеры начальнигы:
- «Полянка " лагере 2002 елдан бирле үз эшчәнлеген алып бара. Биредә ел әйләнәсе безнең интернат-мәктәп укучылары ял итә. Шулай ук биредә ел саен бөтен республикадан ятим балалар ял итә һәм сәламәтлекләрен ныгыта. Быел безнең лагерьга Казанның 11нче номерлы мәктәп-интернат тәрбияләнүчеләре дә ял итәргә килде. Лагерьда ял итүче балалар өчен без төрле кызыклы чаралар үткәрәбез. Без Роспотребнадзорның Яр Чаллы бүлеге хезмәткәрләре ярдәмендә эшчәнлек алып барабыз, аларга куелган таләпләрне төгәл үтибез һәм лагерьда балаларның сәламәтлеген ныгыту өчен шартлар тудырабыз.
http://menzela.ru/news/tema-dnya/ucebnoe-zaniatie-v-forme-kvest-igry