Минзәләдә агач утырту акциясе узды

2022 елның 7 октябре, җомга

Минзәлә шәһәренең Элеватор микрорайонында агач утырту буенча акция узды.

Акциядә катнашучыларны-бюджет учреждениеләре вәкилләрен сәламләп, Минзәлә районы башлыгы Айдар Сәлахов билгеләп үтте:

- Шәһәр, район территорияләрен төзекләндерү-безнең өстенлекле бурычларның берсе .  Бу шулай ук агач утырту. Һәрберебез елына ким дигәндә 2 агач утыртса да, бу инде экологияне яхшыртуга зур өлеш кертәчәк.

Район башлыгы балаларны иҗтимагый-файдалы хезмәткә җәлеп итүнең мөһимлеген дә билгеләп үтте, киләчәктә бу микрорайонны һәм бөтен шәһәрне төзекләндерү планнары белән дә уртаклашты.

Тату эш кысаларында 65 чыршы һәм 80 миләш үсентесе утыртылды.