Минзәләдә тыл хезмәтчәнен 95 яшьлек юбилее белән котладылар
Бүген Минзәлә шәһәрендә яшәүче тыл хезмәтчәне, хезмәт ветераны МИРФАЯЗОВА НАИМӘ ГАБДЕЛХАКИМ кызы 95 яшьлек юбилеен билгеләп үтә.
Наимә Габделхаким кызы 1927 елның 17 июнендә Саба районы Түбән Саурыш авылында туа. 14 яшьтән колхозда, басуларда эшли. 1949 елда Первоуральск шәһәренә, завод төзергә җибәрәләр. Ике елдан соң Казан шәһәренә кайта, төрле эшче булып эшли. 1959 елдан 1985 елга кадәр Минзәлә шәһәрендә СМУ-8дә штукатур маляр булып эшли.
Нәсимә Габделхаким кызының күп кенә Рәхмәт хатлары һәм Мактау грамоталары бар. "1941-1945 елларда Бөек Ватан сугышында фидакарь хезмәт өчен" медале белән бүләкләнгән. Ире белән 61 ел гомер кичерәләр, 3 кыз тәрбияләп үстерәләр. Әбинең 6 оныгы, 9 оныкчыгы бар.
Хөрмәтле Наимә Габделхакимовна!
Туган көнегез белән чын күңелдән тәбрик итәм!
Без сезнең буын – Бөек Ватан сугышының авыр сынаулары аша үткән геройлар һәм җиңүчеләр буыны белән горурланабыз. Һәм һәркем үз өлешен кертте, чыннан да, җиңүгә бәһасез өлеш кертте. Бу батырлык гасырлар буена сакланачак һәм һәрвакыт патриотизм, әхлаклылык, бурычка тугрылык үрнәге булып хезмәт итәчәк.
Сезгә нык сәламәтлек, иминлек, озын гомер, яхшы кәеф, туганнарыгызның һәм якыннарыгызның игътибарын һәм мәхәббәтен телибез.
Минзәлә муниципаль районы башлыгы Айдар Сәлахов
