15 февраль көнне Ленин паркында Совет гаскәрләрен Әфганстаннан чыгару көненә багышланган митинг булды.

2022 елның 15 феврале, сишәмбе

Бу сугышчылар өчен истәлекле көн. Алар арасында йөзләгән якташыбыз бар. Солдатлар, сержантлар, прапорщиклар һәм офицерлар, алар үз Ватанының боерыгын намус белән башкардылар, үзләренең хәрби бурычларын үтәделәр.

"Кайнар нокталарда" һәлак булганнарны искә алырга, Ватаннан читтә хезмәт бурычларын үтәүче сугыш хәрәкәтләре ветераннары, шәһәр оешмалары һәм предприятиеләре җитәкчеләре, Яшь армиячеләр хәрәкәте вәкилләре, ФОРПОСТ катнашучылары килде.
Митингта катнашучылар һәлак булучыларны бер минут тынлык белән искә алдылар, традиция буенча обелискка чәчәкләр куйдылар.