Федераль законга кертелгән үзгәрешләр турында
Федераль законга кертелгән үзгәрешләр турында
Татарстан Республикасы Хезмәт, мәшгульлек һәм социаль яклау министрлыгы «хезмәт өчен түләүнең минималь күләме турында «Федераль законның 1 статьясына үзгәреш кертү хакында» 2022 елның 6 декабрендәге 406 - ФЗ номерлы Федераль закон белән 2022 елның 1 гыйнварыннан Россия Федерациясе территориясендә хезмәт өчен түләүнең минималь күләме аена 13 890 сум дәрәҗәсендә билгеләнүен хәбәр итә.
Россия Федерациясе Хезмәт кодексының 133.1 статьясы нигезендә 2021 елның 24 декабрендә Татарстан Республикасы Һөнәр берлекләре федерациясе, PT эш бирүчеләр берләшмәләренең координацион советы, Татарстан Республикасы Министрлар Кабинеты арасында Татарстан Республикасында минималь хезмәт хакы турында килешү төзелде. Әлеге Килешүдә каралганча, 2022 елның 1 гыйнварыннан Татарстан Республикасы икътисадының бюджеттан тыш секторы оешмаларында аена 16 700 сум күләмендә минималь хезмәт хакы билгеләнә.
Эш бирүчеләр айлык хезмәт хакын (аның барлык состав өлешләрен: оклад, тариф ставкасы, премияләр, өстәмә түләүләр һ.б.) тулысынча эш вакыты нормасын эшләгән һәм хезмәт нормаларын (хезмәт вазыйфаларын) үтәгән хезмәткәрләргә минималь хезмәт хакы күләменнән ким булмаган күләмдә исәпләп чыгаруны тәэмин итәргә тиеш.
Хезмәткәрләр, эш вакытының айлык нормасын тулысынча эшкәртеп, минималь хезмәт хакыннан түбәнрәк булган очракта, аларга хезмәт хакын исәпләп чыгарганда, үзләренең хезмәт хокукларын яклау һәм хокукый чаралар күрү максатларында Татарстан Республикасында Дәүләт Хезмәт инспекциясенә, шулай ук прокуратура һәм судка мөрәҗәгать итәргә хокуклы.
Хезмәткә түләүнең минималь күләмен түләү буенча билгеләнгән дәүләт гарантиясен тәэмин итү өлешендә хезмәт законнарын бозуга юл куйган эш бирүчеләр административ хокук бозулар турында Россия Федерациясе Кодексының 5.27 статьясы нигезендә административ җаваплылыкка тартыла.