Минзәлә районында тыл хезмәтчәнен 90 яшьлек юбилее белән котладылар
Бүген Минзәлә районы Тегермәнче авылында яшәүче тыл хезмәтчәне, хезмәт ветераны ШИРИЕВА ГАЙЛӘ НАСЫЙБУЛЛА кызы 90 яшьлек юбилеен билгеләп үтә.
Гайлә Насыйбулла кызы 1931 елның 8 сентябрендә Татарстан АССРның Минзәлә районы Тегермәнче авылында туа. 11 яшьтән лаеклы ялга кадәр үзен туган колхозына багышлый, төрле эштә эшли.
Гайлә Насыйбулла кызының бик күп Рәхмәт хатлары һәм Мактау грамоталары бар. "1941-1945 елларда Бөек Ватан сугышында фидакарь хезмәт өчен" медаль белән бүләкләнгән.
Ире белән алты бала тәрбияләп үстерәләр. Хәзер Гайлә Насыйбулла кызының 13 оныгы, 3 оныкчыгы бар.
Хөрмәтле Гайлә Насыйбулла кызы!
Туган көнегез белән чын күңелдән тәбрик итәм!
Без сезнең буын – Бөек Ватан сугышының авыр сынаулары аша үткән геройлар һәм җиңүчеләр буыны белән горурланабыз. Һәм һәркем үз өлешен кертте, чыннан да, җиңүгә бәһасез өлеш кертте. Бу батырлык гасырлар буена сакланачак һәм һәрвакыт патриотизм, әхлаклылык, бурычка тугрылык үрнәге булып хезмәт итәчәк.
Сезгә нык сәламәтлек, иминлек, озын гомер, яхшы кәеф, туганнарыгызның һәм якыннарыгызның игътибарын һәм мәхәббәтен телибез.
Хөрмәт белән, Минзәлә муниципаль районы башлыгы
А. Ф. Сәлахов