ПФРда ташламалардан файдаланучыларның биш категориясен атадылар, алар: педагоглар, табиблар, янгын сүндерүчеләр, очучылар, шулай ук хезмәт шартлары зарарлы һәм куркыныч дип табылган хезмәткәрләр.
Пенсия Фондында хәбәр итүләренчә, 2021 елның 18 мартыннан кайбер категорияләрдәге хезмәт стажына һөнәри белем һәм өстәмә һөнәри белем бирү чорлары кертелә, шул исәптән квалификация күтәрү курслары да. Иң мөһиме-бу вакытта хезмәткәрләр өчен эш урыннары һәм хезмәт хакы саклансын, ә эш бирүчеләр мәҗбүри пенсия иминиятенә взнослар күчерсен. Шул ук вакытта табиблар һәм педагоглар даими рәвештә квалификация күтәрү курсларын узарга тиеш. Бу очучыларга, машинистларга һәм яңа техниканы үзләштерергә тиешле башка белгечләргә дә кагыла. Бу чорларда алар эш урыннарында юк һәм элегрәк уку вакытында ташламалы стаж исәпкә алынмаган. Шулай ук инвалид балаларның әти-әниләре һәм опекуннары да вакытыннан алда рәсмиләштерү хокукына ия, 2021 елдан башлап беренче тапкыр 1965 елда туган дүрт бала әнисенең вакытыннан алда пенсиягә чыгу хокукыннан файдалана алалар.