Әлфия Когогина Минзәлә районында «Мобиль поликлиникалар »эше белән танышты.
Төбәк атнасы барышында Дәүләт Думасы депутаты, икътисад, сәнәгать, инновацион үсеш һәм эшкуарлык комитеты рәисе урынбасары Әлфия Когогина Татарстан Республикасы Минзәлә районының Кадрәк авылында күчмә медицина комплексы эше белән танышты.
"Кешеләр сәламәтлеген саклауга юнәлдерелгән бик яхшы, «Мобиль поликлиникалар» проекты безнең республикада тормышка ашырыла. Яр Чаллының 5нче шәһәр хастаханәсеннән тәҗрибәле табиблар Татарстанның дүрт мобиль комплексының берсе составында минем округ районнарында авыл халкына медицина тикшерүләре үткәрәләр", - дип хәбәр итте депутат.
"Минзәлә районының Кадрәк авылына, проектның урыннарда ничек тормышка ашуын күрү һәм минзәләлеләр белән аның эше турында сөйләшү өчен килдем. Халык канәгать һәм медицина хезмәткәрләре адресына иң җылы сүзләр әйтәләр-Бу иң мөһиме. Һөнәри осталыклары, Һөнәргә тугрылык һәм олы йөрәк өчен барлык табибларга баш иябез һәм рәхмәтлебез!"–диде Когогина.
Авыл халкын тикшерү өчен «мобиль поликлиникалар» проекты Татарстанда 2019 елдан бирле тормышка ашырыла. «Сәламәтлек саклау» һәм «Демография» милли проектларын гамәлгә ашыру кысаларында күчмә медицина комплексларында ТР сәламәтлек саклау министрлыгы тарафыннан расланган график буенча медицина тикшерүләре үткәрелә.
Ел башыннан бирле Яр Чаллының 5нче Шәһәр хастаханәсе табиблары Менделеевск, Әгерҗе һәм Минзәлә районнары авылларын йөреп чыктылар, киләсе ярты елда республиканың Актаныш, Түбән Кама, Тукай районнарында эшне дәвам итәчәкләр.
