Район башлыгы Айдар Сәлаховның Яңа ел котлавы

2020 елның 31 декабре, пәнҗешәмбе

Хөрмәтле Минзәлә районы халкы һәм кунаклар!  

Якынлашып килүче Яңа ел белән эчкерсез котлауларны һәм изге теләкләрне кабул итеп алыгыз!

Яңа ел бәйрәмнәре туганнар һәм якыннар белән аралашу шатлыгының якты мизгелләре бәхетен китерә, берләштерә, күтәренке кәеф һәм якты өметләр белән рухландыра.

Барлык күңелсезлекләрне иске елда калдыруыгызны, алдагы елны ышаныч һәм оптимизм белән каршы алуыгызны телим. Һәр йортта иминлек һәм татулык, өмет һәм ышаныч, шатлык һәм мәхәббәт яшәсен! Бәхет, сәламәтлек, иминлек һәм муллык! Яңа ел белән!

Муниципаль район башлыгы Айдар Сәлахов