Минзәләдә "Тәмле юл йөрү кагыйдәләре" тәмле конкурска нәтиҗә ясадылар
Оештыру комитеты "Тәмле юл йөрү кагыйдәләре" район конкурсынаа нәтиҗә ясады.
"Тәмле юл йөрү кагыйдәләре" конкурсы балаларга юл йөрү кагыйдәләрен өйрәтү, аларга юлларда үз-үзеңне имин тоту күнекмәләрен өйрәтү, үсмерләрне һәм ата-аналарны бердәм эшчәнлеккә өйрәтү максатыннан уздырылды.
Конкурста катнашу өчен теләсә нинди ризык: торт. печенье, салат, бутерброд, кайнар ризык, эчемлекләр һ.б. әзерләү тәкъдим ителде. Иң мөһиме - юл хәрәкәте иминлеге тематикасын яктыртсын. Конкурс читтән торып уздырылды, эшләр 16 декабрьгә кадәр кабул ителде.
Конкурска 38 эш килде. Нәтиҗәдә барлык эшләр номинацияләргә бүленде, җиңүчеләр билгеләнде. "Тортлар" номинациясендә 1 урын - Риналь исламов, 2 нче - Иветта Садыйкова, 3 нче урын - Маргарита Муринова, 4 нче - Ралина Шакирова, 5 нче - Евгения Батенева, "Коллектив эш" номинациясендә тәрбияче А.Б.Билалова җитәкчелегендә Минзәлә авыл хуҗалыгы техникумы студентлары (1 курс), иң актив катнашучы - Максим Пономарев.
"Камыр ризыгы" номинациясендә 1 урын - Дана Бадьина, 2 нче - Эльвина Низамова, 3 нче урын - Илүзә Абдуллина.