Гадәттән тыш хәлләр министрлыгы хәбәр итә
Имин булмаган метеорологик күренешләр: якын көннәрдә, Россиянең Европа территориясенә Төньяк Атлантика циклоны керү сәбәпле, Татарстан Республикасында һава торышы начараячак.
Атмосфера фронтлары узганда юеш кар һәм кар рәвешендә явым-төшем, температураның сизелерлек түбәнәюе, юлларда бозлавык барлыкка килүе көтелә. Шулай ук атмосфера басымының сизелерлек һәм кискен талпынуы күзәтеләчәк.
30 октябрь, чәршәмбе көнне, иртән һәм көндез юеш кар, кар явачак. Төнлә температура -1..-6°, көндез 0..+5°.
31 октябрь, пәнҗешәмбе көнне, кар, урыны белән кискен җил - 15-18 м/с һәм буран булуы көтелә. Төнлә температура -1..-6°, көндез +1..-3°.
Алдан фаразланганча, 1-2 ноябрьдә республикада бик салкын һава торышы күзәтеләчәк. урыны белән аз гына кар. Төнге температура -4..-9° кадәр төшәчәк, көндез - +1..-4°.
Казан буенча:
Аязучан болытлы. Явым-төшемнәрсез диярлек. Җил көньяк-көнчыгыштан 5-10 м/с, көндез урыны белән кискен - 14 м/с. Төнлә минималь һава температурасы -1..-3º. Көндез максималь һава температурасы +2..+4º.
Көнчыгыш Кама алды һәм Кама арты буенча:
Аязучан болытлы. Явым-төшемнәрсез диярлек. Җил көньяк-көнчыгыштан 5-10 м/с, көндез урыны белән кискен - 14 м/с. Төнлә минималь һава температурасы -3..-6º. Көндез максималь һава температурасы +2..-1º.