Сергей Кузнецов истәлегенә волейбол турниры яңа дәрәҗәгә чыкты.
Минзәлә шәһәренең " Юбилейный» балалар һәм яшүсмерләр спорт мәктәбендә волейбол буенча ярышларда 7 команда көч сынашачак.
Бүген Минзәлә шәһәренең «Юбилейный» балалар-яшүсмерләр спорт мәктәбендә танылган якташыбыз, Әфган сугышы ветераны Сергей Кузнецов истәлегенә багышланган ике көнлек волейбол турниры старт алды.
Ярышларда катнашучыларны Минзәлә районы башкарма комитеты җитәкчесенең социаль мәсьәләләр буенча урынбасары Нэля Бикеева, шулай ук Халыкара мөнәсәбәтләр буенча «Сугышчан туганлык» Бөтенроссия ветераннар иҗтимагый оешмасының калуга өлкә бүлекчәсе Советы Рәисе урынбасары, Әфганстандагы сугыш хәрәкәтләрендә катнашучы, гвардия полковнигы Александр Ружин сәламләделәр, ул турнирга кадәр Николаевка авылында узган булса, хәзер яңа дәрәҗәгә чыкты һәм Минзәләдә үткәрелә башлады.
Кунаклар сыйфатында Әфганстан ветераннары катнашты, шуларның берсе Яр Чаллы шәһәренең хәрби хәрәкәтләр ветераннары берлеге рәисе Мәхмүт Корбангалиев һәм погранвойск ветераны Фоат Билалов бу дөньяны ташлап киткән иптәшләр истәлегенә сугышчан җырлар башкардылар.