Әлфия Когогина Дәүләт Думасында көзге сессиянең беренче парламент атнасы турында сөйләде
Дәүләт Думасы депутаты, икътисад сәясәте, сәнәгать, инновацион үсеш һәм эшкуарлык комитеты рәисе урынбасары Әлфия Когогина Дәүләт Думасының көзге сессиядәге эше башлануын шәрехләде:
"Көзге сессиянең беренче пленар атнасы тәмамланды. Әйтергә телим, без Дәүләт Думасының эш тәртибен үзгәртергә карар иттек, пленар утырышлар санын атнага өч тапкыр арттырдык. Бүгенге көндә бу эш һәм һәр закон проектын җентекләп эшләү өчен оптималь график. Калган вакытта комитетларда, эш төркемнәрендә, комиссияләрдә закон проектлары өстендә эшләүгә, төбәкләрдә сайлаучылар белән очрашуларга биреләчәк».
"7 нче чакырылыш башында без үз алдыбызга амбициоз бурыч куйдык – Думада 90 нчы еллардан бирле җыелган «закон проектлары чүплеген» ачыклау. 2020 закон проектының 55е калды, димәк, хәзер без барлык ресурсларны өстенлекле закон инициативалары буенча эшкә җибәрә алачакбыз. Бу-150 закон проекты, шул исәптән – киләсе өч елга федераль бюджет турында закон, пенсия законнарын камилләштерү, Федераль Җыенга ТР Президентының юлламасын гамәлгә ашыру – сәламәтлек саклау, мәгариф, фән, инфраструктураны үстерү, дәүләтнең барлык социаль гарантияләрен үтәү», – дип хәбәр итте парламентарий.