Авылда яшәүче меңнән артык хатын-кыз беренче һәм өченче балалары өчен пособие алган.
2018 елның 13 августы, дүшәмбе
Татарстанда авыл җирендә яшәүче яшь әниләргә бер тапкыр бирелүче пособиене быел 2,5 хатын-кыз алыр дип фаразлана.
Быел Татарстанда авыл җирендә яшәүче 1 039 хатын-кыз беренче баласын табып һәм 205 хатын-кыз өченче баласын тудырып, республика бюджетыннан социаль түләүләр алган. Татарстан Президенты карары белән бер тапкыр түләнә торган әлеге пособиене алучылар турында 10 августка булган мәгълүматларны ТР Хезмәт, мәшгульлек һәм социаль яклау министрлыгы матбугат хезмәте хәбәр итте.
Мәгълүм булганча, пособие беренче балага - 50 мең, өченче балага 100 мең сумны тәшкил итә. Төп шарт - хатын-кыз кимендә өч ел авылда яшәгән, беренче бала тапканда яше 25тән, ә өченче баласын тапканда 29дан артмаган булырга тиеш.
- Татарстанда авыл җирендә яшәүче яшь әниләргә бер тапкыр бирелүче пособиене быел 2,5 хатын-кыз алыр дип планлаштырыла. Алардан 2 мең хатын-кыз - беренче баласы, ә 400 хатын-кыз өченче баласын табар дип фаразлана.
Бу хакта тулырак: https://tatar-inform.tatar/news/2018/08/13/169586/
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз