Бүген-иртәгә Заиковский хуҗалыгында сенаж салу төгәлләнә. Аның күләме 10 мең тоннага җитәчәк.
Шуның 6 мең тоннасы чиста люцерна үләненнән салынды. Ә калганы - берьеллые культуралар һәм люцерна үләне белән кушылып салынды. Сенаж базын тутырганда хуҗалык җитәкчесе Радик Фәттахов технология саклануны үзенең шәхси контролендә тота.
- Малларның сыйфатлы азык тәэмин ителүе генә кышын мул продукция алу нигезе булып тора, - ди ул.