Татарстанда кош гриппы йоктырган барлык тавыкларны якканнар

Татарстанда кош гриппы аркасында биш районда карантин игълан ителгән. Бу хакта тулырак: http://tat.tatar-inform.ru/news/2018/07/25/168504/

Татарстанда кош гриппы аркасында авыру тавыкларны якканнар. Бу хакта Татарстан Министрлар Кабинетының Баш ветеринария идарәсе матбугат секретаре Алсу Нуруллина сөйләде.

Гомумән алганда, белгечләр республиканың 21 торак пунктында 900 чамасы кош якканнар.

Татарстанның Буа, Апас, Чүпрәле, Кайбыч һәм Тәтеш районнарында карантин игълан ителгән.

Безнең республика белән Ульяновск һәм Чувашия чигендә 7 ветеринар-полиция посты эшли башлады.