Хәрәкәт, юлда ремонт үткәрелү сәбәпле, бер полоса буенча оештырылачак.
16 апрельдә Татарстанда Р-239 автоюлының Казан – Оренбург – Акбулак – Казахстан белән чик 234 нче чакрымында транспорт хәрәкәте чикләнәчәк. Бу хакта “Волго-Вятскуправтодора” матбугат хезмәте хәбәр итә.
Трассада 9.00 - 15.00 сәгатьләрдә хәрәкәт бер полоса буенча гына оештырылачак. Бу Колшәрипов-Әлмәт 74 чакрымындагы ремонт эшләре белән бәйле.
“Төзелеш-монтажлау эшләре төгәлләнгәч тә, хәрәкәт штат режимында булачак”, - диелгән матбугат хезмәте хәбәрендә.