Клуб та яңарды
Бу чорда яшәүче авыл халкы бу вакыйганы Мәдәният йорты янына җыелып, зурлап билгеләп үтте. Әлеге тантанага Дәүләт Советы депутаты Ирек Шәрипов һәм район башлыгы урынбасары Камил Нәҗмиевның килүе тантанага аерым төсмер биреп, икенче яктан авыл халкына күптәнге проблемаларына җавап эзләргә мөмкинлек тә тудырды. Биредә әле күптән түгел генә ремонтланган мәктәп бинасы буш тора. Балалар саны бик аз булу проблемасы – бу авылда гына түгел.
Биредә авыл халкы шул мәктәпнең бер ягында реконструкция үткәреп, мәктәпкәчә яшьтәге 12 баланы бакчага йөртергә хыяллана. Район җитәкчелеге бу проблеманы белә, чишү юлларын эзли. Республикакүләмендәге махсус программа алынуына өметләнә!
Авыл җирлеге урнашкан Мәдәният йортын төзек- ләндерү республика, район, авыл җирлеге бюджетына 1,5 миллион сумга төшкән.
Мәдәният йорты янында төзекләндерү эше район власте һәм җирлектәге бюджет хезмәткәрләре көче белән башкарылган. Шуңа хәзер бу мәдәният учагы яңалардан бер дә ким түгел. Анда элеккечә барлык чаралар да зурлап, матурлап үткәреләчәгенә шик юк.