Алыштыргысыз механизатор

Заманында җәй җитү белән 20 еллап комбайн штурвалы артында кырлар иңләде, ЮМЗ-6 тракторында экскава­торда да хезмәт куйды, Т-70 тракторы белән рәт араларын эшкәртте. Агро­фирмага яңа МТЗ-82 тракторы кайт­кач, кемгә бирергә дип аптырап тор­мадылар, Азатка тапшырдылар. Хәзер ул ш ул т ракторы б елән язын к укуруз чәчә, аннары рәт араларын эшкәртә, хәзер терлекләргә өстәмә азык ташый, кыш көне “ДеЛаВаль” белән фермада­гы малларны туендыра. Үз эшен, кыр- басуларны чын күңел белән яратучы ир узаманы пенсия яшенә җитсә дә, МТЗ-82 тракторын иярләп, бүген туган ягында хезмәт куя.

– Аңардан башка кукуруз чәчүне, терлекләр туендыруны күз алдына да китереп булмый, яшьләр белән ярыша-ярыша эшли әле Азат абый. Ул алыштыргысыз эшчебез, безнең горурлыгыбыз, – дип мактады, бүлекчәнең башкарма директоры Ил­фак Рафаэль улы Мәүҗиев.

Азат эштә генә түгел, гаиләдә дә үрнәк әти, тормыш иптәше Гөлфия ханым белән ике бала тәрбияләп үстерделәр, икесе дә Яр Чаллы шәһәрендә яшиләр.