Татарстан халыклары ассамблеясе вәкиллеге булдырылды

Дифиза НУ РИЕВА

Төрле милләт халыкларын бергә туплаучы мондый үзәк Татарстан­да, ә аның вәкиллекләре берничә районда булдырылган. Республи­ка күләмендә Татарстан халыкла­ры Ассамблеясы Советы эшләп килә, аның рәисе – ТР Дәүләт Со­веты рәисе Фәрит Мөхәммәтшин. Шуның нигезендә Казанда мате­риал-техник база буларак Халы­клар Дуслыгы йорты эшли. Аның директоры булып Дәүләт Советы депутаты Ирек Шәрипов тора. Ирек Илдусовичның Минзәлә рай­онындагы чираттагы эшлекле ви­зиты да милләтләр дуслыгы белән бәйләнгән иде.

Ирек Шәрипов Минзәләгә буш кул белән генә килмәде. Үзе белән Халыклар Дуслыгы йорты артист­ларын да алып килгән. Аристлар картлар һәм ивалидлар интернат -йортында тәрбияләнүчеләргә төрле милләт халыкларының җырларын, биюләрен үз эченә алган концерт программасы тәкъдим иттеләр. Ирек Шәрипов район башлыгы урынбасары Камил Нәҗмиев белән биредә тәрбияләнүчеләрнең яшәү рәвеше белән тынышты, нинди милләт вәкилләре тәрбияләнүе белән кы­зыксынды.

Көннең икенче яртысында Ирек Илдусович администрациянең акт­лар залында район активы, бездә яшәүче милләт вәкилләренең лидерлары белән очрашты. Көн тәртибендә каралган төп мәсьәлә – Минзәләдә дә халыкларны бергә туплаучы үзәк булдыру.

– Татарстанда 173 милләт вәкиле яши. Ел саен якынча 250 мең чит ил кешесе төрле максаттан республикабызга килә. Бу бик зур сан. Аларның күпмеседер биредә яшәргә кала. Без, ягъни, республи­ка, район әлеге милләт вәкилләрен үзебездә кабул итәргә, алар белән дус, тыныч яшәргә әзер булырга тиеш, – диде Ирек Шәрипов. – Ә инде дистәдән артык милләтне үз эченә сыйдырган сезнең ке­бек районда милләтләр дуслыгы сагында торучы үзәк булу бигрәк тә мөһим. Бөтен кешене дә яра­тып бетерү мөмкин түгел, ләкин дуслыкта, татулыкта яшәргә без өйрәнергә тиеш, – диде ул.

Ирек Шәрипов Минзәлә райо­нында Татарстан халыклар ассам­блеясы вәкиллеген булдырырга тәкъдим итте. Республиканың 10 районында шундый вәкиллекләр, ә 7 сендә Халыклар Дуслыгы йортлары эшли. Утырышны алып барган район башлыгы урынба­сары Камил Нәҗмиев районда вәкиллек булдыру тәкъдимен ху­плавын һәм әлеге мәсьәлә буенча эш башлануын әйтеп узды. Залда утыручы төрле милләт вәкилләре дә мондый үзәк кирәклегенә теләктәшлек белдерделәр.

Нәтиҗәдә, утырышта катнашу­чылар Минзәлә районында Та­тарстан халыклар ассамблеясы вәкиллеге «Веста» күп профильле яшьләр үзәгендә булачак дигән карарга килделәр. Ә аның рәисе итеп үзәк директоры Ирина Ми­хайлова билгеләнде.

22 апрель көнне Казанда Татар­стан халыкларының III съезды уза, анда Минзәләдә яшәүче милләт вәкилләре дә делегат буларак кат­нашача